Comunicado do Grupo de Trabalho contra Agressons (GTA) de Isca!

Temos que lamentar que nos vimos na obriga de expulsarmos a um militante da nossa organizaçom, dado que há pouco mais de dous meses recebemos umha denúncia dumha violaçom machista por parte de dito militante.

A denúncia foi-nos remitida através do espaço de mulheres doutra organizaçom juvenil, na qual participa a vítima. Ao sabermos da denúncia, constituímos o GTA para investigar o caso e propor umha sançom ao moço agressor, o qual estivo em comunicaçom constante com a denunciante para informar sobre os passos a dar. O denunciado foi apartado dos nossos espaços e ele mesmo se apartou também doutros espaços em que participava e onde podia coincidir com a moça.

Com o conhecimento das duas versons do sucedido ressolvemos que, ao haver umha violaçom, o moço sinalado tem de deixar de participar da vida política, polo que procedimos a expulsá-lo de Isca!. Além da nossa organizaçom, os espaços em que puder participar actualmente serám informados deste sucesso para eles agirem segundo considerem.

Queremos desculpar-nos publicamente com a moça agredida e condenarmos que esta agressom tivesse lugar, posto que entendemos que
Isca!, ao ser umha organizaçom que pretende derrubar o sistema que ampara estas violências, tem responsabilidade em tanto em quanto um militante seu abusa dumha moça.

Partíllao!

Share on facebook
En Facebook
Share on twitter
En Twitter
Share on pinterest
En Pinterest
Share on whatsapp
Polo WhatsApp
Share on telegram
Ou polo Telegram
Share on email
Email

Deixa un comentario