10 de marzo, día da Clase Obreira Galega

Hoxe celébrase, como cada 10 de Marzo, o Día da Clase Obreira Galega. Desde Isca! chamamos a sair á rúa e participar, coa Confederación Intersindical Galega, nas manifestacións en defensa dun emprego digno na nosa Terra.

Precariedade, temporalidade e baixos salarios combínanse para facer da mocidade un dos sectores sociais máis golpeados nesta crise chegando a taxas de emigración xuvenil dramáticas, máis de mil mozas ao mes. O capital á ofensiva, recortando dereitos á clase traballadora sen unha oposición o suficientemente forte e organizada para impedilo. Temos que sair da crise, mais non nesa dirección.

Son moitas as medidas para reforzar á clase traballadora galega e para mostrar unha saída: unha alternativa cara o socialismo. Temos que traballar para reforzar organica e ideoloxicamente a clase obreira galega, as organizacións das traballadoras galegas como a CIG e traballar nunha alternativa política cara a soberanía e o socialismo. Desde Isca! apostaremos con todas as nosas forzas nesa vía, porque a mellor homenaxe a Amador e Daniel será a vitoria!

Contra o desemprego e a precariedade, loitando gañaremos un futuro digno na nosa terra!

Horarios e lugares das manifestacións

– Ferrol, ás 20:00 horas dende os locais da central sindical.

– Vigo, ás 19:30 horas dende Vía Norte.

– Compostela, ás 20:00 horas dende a Praza Roxa.