10 de Marzo: este sistema non funciona!

Actualidade política

Con Asembleas en varias comarcas, concentracións, manifestacións e ocupacións de entidades financeiras conmemorou a CIG máis un ano o Día da Clase Obreira Galega. Nun contexto de crise económica como o actual, as reivindicacións da xornada estiveron centradas na defensa do emprego e das prestacións sociais, demandando así que se apliquen medidas en favor da maioría social que impidan que as traballadoras e traballadores sigan a sufrir as consecuencias do fracaso deste sistema.

A militancia de Isca! participou en varias destas mobiizacións baixo o lema “este sistema non funciona”, coa idea de transmitir a necesidade de aproveitar a crise do actual modelo socioeconómico para avanzar na construción da alternativa socialista. A imaxe de Karl Marx nas nossas faixas, colantes ou cartazes quere servir para recuperar o seu pensamento -hoxe máis actual que nunca- que nos axuda a comprender a natureza inxusta e salvaxe do capitalismo e a necesidade de articular, desde xa, alternativas.

Podes ler a crónica das mobilizacións na web da CIG, e ver este video editado pola central sindical nacionalista sobre as manifestacións de Vigo e Ferrol.