12 de outubro, nada que celebrar

Hai xa uns anos a nosa organización editaba, os días previos e como resposta ás celebracións oficiais do “Día de la Hispanidad” inzadas de exibicións de militarismo e españolidade, un cartaz co lema: A súa “Fiesta Nacional” conmemora un xenocidio. 12 de outubro, nada que celebrar. E máis un ano, levaremos ás rúas galegas a nosa campaña de denuncia e rexeitamento do aniversario dunha masacre sistemática da pobación, da colonización do continente americano e do espolio dos seus recursos (cada vez en menor grado dada a conquista do poder dalgúns paises por parte da clase traballadora).

Este ano, como resposta ao proceso soberanista que está a ter lugar en Catalunya, onde crece día a día a conciencia de que ningún futuro digno pasa por seguir oprimidos por un estado podre e decadente, a dereita española máis escura e fascista vén de chamar a mobilizarse este 12 de Outubro en Barcelona na defensa da unidade de destino no universal, previa amenaza de loita armada e derramamentos de sangue. E dino así porque ese leva sendo o seu orgullo desde hai 521 anos, a conquista dos pobos a sangue e lume. Mais nós témolo claro, rebelarnos contra esta data, rebelarnos contra esta longa noite de pedra, en definitiva, e rebelarnos e romper con este estado.

Con España non temos futuro. Imos conquistar a independencia!