16 de xuño, manifestación nacional en defensa do dereito ao aborto

Outravolta, as feministas saimos a rúa para loitar na defensa dos nosos dereitos. Os ataques da dereita conservadora contra as mulleres teñen que atopar nas rúas unha resposta firme e contudente na defensa da alternativa dun aborto libre e gratuíto na sanidade pública. Por iso, desde Isca! chamamos a participar na manifestación nacional convocada pola Plataforma Galega polo Dereito ao Aborto da que facemos parte, que sairá ás 17 horas dende a estación de tren de Compostela, o vindeiro domingo 16 de xuño, así como de todos os actos comarcais e locais que se están a desenvolver por todo o país.

Consideramos que a proposta de reforma do PP, avalada pola dereita católica máis reaccionaria representada pola Conferencia Episcopal, ataca os dereitos das mulleres tentando tutelar as nosas vidas e os nosos corpos. Diante desta nova agresión, que supón unha involución de décadas na conquista dos nosos dereitos e a imposición novamente da maternidade como unha obriga para toda moza, só cabe a resposta firme e contundente, entre todas e a pé de rúa. Nesta batalla, o patriarcado non pode gañar, por iso é fundamental o teu apoio na loita: maniféstate con nós e espalla as nosas esixencias: Aborto libre e gratuíto, as mulleres decidimos!

>Campanha de Isca: Nem a igreja, nem o governo, nos nossos corpos decidimos nós!

>Rebater nº 44, folla axitativa de Isca! en defensa do dereito ao aborto