1º de maio: á rúa contra a UE, o goberno e o capital

Froito dunha crise provocada polos mesmos que se están a beneficiar dela, día a día a mocidade somos vítima dun medre constante e sen aparente freo da precariedade, a pobreza e o recorte de dereitos e saídas laborais. A crise sistémica e estrutural que rodea o sistema capitalista no que nos vemos obrigadas a sobrevivir, fai que cada vez saír adiante sexa máis complicado para as clases populares que somos quen estamos a pagar a cobiza das grandes oligarquías e as medidas con que desde a Unión Europea e desde o servilismo colaboracionista da Xunta de Galiza e do goberno español se protexe aos grandes poderes socioeconómicos.

Así, no que vai de 2014 os dados de desemprego, emigración e pobreza non fixeron máis que aumentar ante o que só cabe responder aumentando tambén a nosa capacidade de resposta e rebelión. É por iso que as mozas e mozos organizados en Isca! chamamos a toda a sociedade, e nomeadamente á mocidade, a mobilizarse canda o sindicalismo nacionalista e de clase o vindeiro 1º de maio sob o lema “Contra a explotación e a pobreza, fagámoslle fronte á Unión Europea”, porque o futuro gáñase loitando!

Manifestacións convocadas:

• Vigo: Ás 11,30h. na Doblada
• A Coruña: Ás 12,00h na Praza de Vigo
• Pontevedra: Ás 12,00h. Praza da Ferrería
• Vilagarcía: Ás 12,00h. na Casa do Mar
• A Estrada: Ás 12,00h. na Praza do Mercado
• Ferrol: Ás 11,30h. Av. de Esteiro (local CIG)
• Compostela: 12,30h. na Praza Roxa
• Ribeira: Ás 12,00h. na Praza do Peixe
• Lugo: Ás 12,00h. Ronda da Muralla (Edificio Sindical)
• Ourense: Ás 12,00h. Pavillón dos Remedios
• Cervo: Ás 12,30h diante da fábrica de Sargadelos
• Cangas: As 19h. Praza do Concello