8-F: Defender a língua nom é delito!

O 8 de fevereiro de 2009 Galicia Bilingüe convocava uma manifestaçom em Compostela exigindo nom só a derrogaçom da Lei de Normalizaçom Lingüística -consensuada por unanimidade no parlamento galego e que pretendia restaurar parte dos nossos direitos lingüisticos- se nom também a segregaçom dos nenos e nenas nas escolas por questom de idioma, a limitaçom do uso do galego na administraçom assim como a diminuçom da presença do nosso idioma na vida pública.

Contou com o apoio político do Partido Popular, UPyD e da Falange, mas também com o rejeitamento de centros sociais e outros colectivos políticos e culturais comprometidos com a defensa da nossa cultura e com os exíguos direitos dos galego-falantes num contexto, ademais, de discriminaçom e retrocesso. Assim, durante o percorrido da manifestaçom galegófoba sucederon-se os actos que desde os diversos colectivos vinham a denunciar a provocaçom que aquela marcha supunha assim como o hipócrita e absurdo das suas premissas.

Como conseqüência daquela jornada de defensa dos nossos direitos colectivos, varias moças e moços foram detidos. Entre eles, 3 militantes da nossa organizaçom cuja causa foi sobreseída tempo depois. A vindeira semana, entre o 23 e 26 de outubro, terá lugar o juízo dos 12 processados e processadas acusados baixo petiçons globais de 45 anos e 8 meses de prissom e mais de 36.000 de €.

De Isca! queremos denunciar a manipulaçom política do juízo assim como manifestar o apoio incondicional da nossa organizaçom às e aos processados que sentarám no banco dos acusados apenas por evidenciar que a dignidade do povo galego nom é algo negociável.

As medidas repressivas nom conseguiam que abandonemos a defensa do nosso idioma nem calaram as necessárias denúncias da imposiçom lingüística as que somos submetidas.

Galiza nom se rende!

Defender a língua nom é delito!

>Mais informaçom: http://8f-45anos.org/