[A Coruña] Agresión imperialista e resistencia da Ucraína antifascista

Collendo o relevo de Ourense nos días nos que a caravana antifascista viaxa xa por territorio ruso e continuando coa campaña de solidariedade e información que a nosa organización vén desenvolvendo nas últimas semanas en apoio á loita antifascista que se está a dar na Ucraína, nomeadamente na zona do Donbass, mais non só, presentamos este novo acto público. Ante a barbarie nazi que pretende aniquilar a resistencia, manifestamos o noso apoio a todas as combatentes que non dubidaron en exercer a lexítima defensa contra un goberno que bombardea á súa propia poboación civil.

Os grandes medios de comunicación están a realizar o labor que se espera deles, ofrecendo a narración dos feitos que lle interesa ás oligarquías estadounidenses e europeas. Nese sentido é de vital importancia rachar co silenciamento mediático e espallar a realidade do que alí está a suceder.

Con ese obxectivo Isca! organiza na Coruña, o vindeiro venres día 3 de outubro ás 20:00 horas no Café Linda Rama (rúa Porta de Aires nº4) unha charla a cargo de Óscar Valadares, ativista de Mar de Lumes – Comité Galego de Solidariedade Internacionalista, que leva por título “agresión imperialista e resistencia da Ucraína antifascista“.

Non a perdades!

.

>> Ucrânia: o monstro fascista retorna a Europa

>> Apoio á caravana antifascista e ás combatentes no Donbass [GL] [EN] [RU]