[A Coruña] Combater o machismo desde as aulas, sindicalismo e cultura

 

As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construindo alternativas aos poderes que nos queren ignorantes e sumisas.

Desta volta organizamos un acto público baixo o título “Combater o machismo desde as aulas, o sindicalismo e a cultura“, para seguir respostando ao sistema de vida e de relacións que nos impón o capitalismo e o patriarcado. Acompañarannos para pór en común diversos coñecementos, vivencias e ópticas as compañeiras Erea Blanco (estudante e militante de Erguer), Lucía Freire (membro da Executiva Confederal da CIG e traballadora de Froiz) e Isabel Risco (actriz). Esta charla-coloquio terá lugar na aula 0.8 da Facultade de Educación da UdC (Campus de Elviña) o xoves 22 de marzo ás 13:00 horas.

Agardámoste!

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario