[A Coruña] Queres mudar a realidade?

O sistema quere que nos resignemos e que fiquemos domesticadas e pasivas. Que pensemos que nada se pode facer para cambiar o estado das cousas, e que esta realidade é a única posíbel. Cando non é así, usan a represión e o medo co mesmo obxectivo, desmobilizarnos xusto nun momento en é mais necesario que nunca organizarse e loitar.

A mocidade galega comeza a ser cada vez máis consciente de que están a roubar o seu futuro. Non hai emprego e o pouco que hai é precario e en condicións de explotación extrema. Obríngannos a emigrar. A vivenda cada vez é máis un luxo e non un dereito, e o ensino cada vez máis elitista e españolizador. Discriminan e atacan a nosa lingua propia e a nosa cultura en todos os ámbitos. Impidenlle ás mozas decidiren sobre os seus corpos. Seguen a aplicar recortes ás clases populares mentres os poderosos continúan a enriquecerse. Para garantir que todo iso se leva a cabo sen oposición, recortan as liberdades públicas e os poucos espazos democráticos que ainda existían, reformando as leis e o código penal ao seu antollo.

Desemprego, precariedade, emigración, despexos, represión, privatizacións, miseria, pobreza… temos cada vez máis razóns para facerlle frente a este sistema criminal e corrupto. Contra o individualismo e o apoliticismo que nos tentan inculcar, nós pensamos que é tempo de dar a batalla. Organizarse e loitar hoxe é construir a sociedade nova do mañá, a Galiza ceibe e socialista que arelamos.

Queres a mudar a realidade? Achégate o vindeiro xoves día 8 a partir das 20:00 horas ao Bar Faluya na Coruña e construamos desde xa unha sociedade diferente organizada sobre outras bases.