A policía quere deter 8 moz@s en Donostia pola súa militancia política. Solidariedade!

Lonxe de favorecer un clima que propicie avanzar na resolución do conflito político, o Estado Español, non cesa de torpedear os pasos que o pobo vasco quere dar. Nesta liña, a xustiza española vén de ratificar a sentenza de seis anos de cárcere para 8 moz@s donostiarras simplemente por teren pertencido a SEGI. As mozas, que xa teñen sufrido detencións, incomunicación, torturas e xuízos sen garantías, só son culpábeis de teren traballado pola liberación nacional vasca e por mellorar o mundo no que viven, un pecado que os Estados español e francés non perdoan.

Diante destas novas presións, a movemento popular vasco non decae e volveu darnos un exemplo de loita desenvolvendo unha zona libre ou Aske Gunea, un espazo de resistencia onde centos de mozos e mozas apoian as militantes encausadas creando un muro popular que impida a súa detención. Desde este martes 16 de abril, cando chegou a orde de detención, están en situación de alerta e xa se sucederon varios intentos de detención por parte da Ertzainza. Intentos todos eles que, até agora, a resistencia popular puido frear malia a cumplicidade do PNV, a quen se reclama que non mande á Ertzainza a cumplir leis inxustas e impostas desde Madrid.

Malia o silencio dos medios de comunicación convencionais, sabemos que o cotián da mocidade independentista vasca, como a de tantas outras mozas rebeldes doutras nacións oprimidas, está condicionado polas ferramentas represoras dos inimigos, neste caso os Estados francés e español. Porén, sabemos tamén que son fortes e que nin as detencións, nin as torturas, nin os xuízos políticos, nin tampouco as medidas contra as presas van poder minar a súa loita.

Desde Isca! dicímolle ás nosas irmás vascas que non están soas e que faremos o posíbel por difundir a súa situación. Afástanos a distancia mais achéganos a solidariedade internacionalista e sentímonos parte dese muro popular contra máis unha agresión que tenta esfarelar o proceso de normalización política no que a mocidade ten e terá un papel tan importante. Sabemos que co paso das horas a detención está máis preto e que posibelmente se produza antes da fin de semana, por iso mandámoslles unha aperta fraternal e berramos alto desde Galiza:

Egoi, Oier, Aitor, Nahikari, Imanol, Adur, Mikel, Ekaitz, estamos con vós!

Adiante a mocidade rebelde!

Gazteriak aurrera darrai!