A rojigualda NON é un símbolo neutral!

Quérennos vender que a rojigualda representa a unión de todas as españolas, e que o seu significado se pode adaptar como queiramos.

Mais nós temos memoria, e lembramos que bandeiras están sempre ao carón das traballadoras, en apoio ás greves; sabemos cales se levan en defensa da terra nos movementos ecoloxistas, para reivindicarmos os nosos dereitos a ser e amar como queiramos e para apoiarmos a outros pobos dende o internacionalismo.

Por iso nós, na Galiza, consideramos que a única bandeira que representa a liberdade, o progreso e a igualdade é a que historicamente se reivindicou polas loitas xustas e o avance social. A que defendemos dende a mal chamada transición. É a bandeira que nos irmanda coma pobo e que estivo, está e estará coa clase traballadora.

Non te deixes enganar; contra o avance do españolismo:

TERANNOS DE FRONTE