A súa festa nacional conmemora un xenocidio. 12-O, nada que celebrar!

Máis un ano, levamos ás rúas galegas a nosa campaña de denuncia da conmemoración que o españolismo fixou como a súa “Fiesta Nacional”. Cada 12 de outubro, España festexa a inicio da súa colonización a sangue e lume do continente americano. É ben ilustrativo que a principal data de referencia chovinista para o Estado que nos oprime estea fincada sobre millóns de mortos que o seu imperialismo deixou durante séculos en todo un continente. Como resposta a iso, son cada vez máis os movimentos de resistencia anti-imperialista que chaman a convertir esa mesma data nunha xornada de denuncia, o Día da Resistencia Indíxena.

Este ano, ademais, o goberno español aproveita especialmente esta efeméride reaccionaria para reafirmar con propaganda a defensa da unidade estatal que cada vez lles resulta máis dificil manter, ante a crecente conciencia dos pobos oprimidos de que ningun futuro digno pasa por permanecer amarrados a este decadente estado.

Con España non temos futuro. Imos conquistar a independencia!