A tortura non é cultura!

Actualidade política

En diversos concellos do noso país as touradas preséntanse como xeito de amenizar os días feriados, e perante as críticas daquelas persoas que defendemos os dereitos dos animais, alégase o argumento da tradición e da cultura, argumentos fácilmente desmontábeis. Queremos defender como cultura o asasinato vil, cobarde e sanguinario de animais? Vamos manter unha tradición que defenderon sempre as clases máis reaccionarias e españolistas, sen plantexarnos o sufrimento que ésta causa?

Aquelas persoas que defendemos unha sociedade baseada en valores como o respecto dos dereitos dos animais e da natureza, non podemos senón opoñernos a unha “festa” que consiste na tortura, matanza, ensañamento e asasinato dun animal indefenso, para o disfrute duns cuantos cobardes e hipócritas que consideran que a súa macabra diversión está por riba da vida e do sufrimento dos seres vivos.

Este tipo de “festexos” subvenciónanse na meirande parte das ocasións con diñeiro público: os nosos cartos empréganse para financiar o sufrimento animal, cando as enquisas sinalan que só perto dun 3% das galegas se manifestan a favor destas torturas. É salientábel tamén a hipocresía das autoridades políticas, que endurecen as leis respeito ao maltrato de animais, e organizan campañas polos dereitos de cans, animais en perigo de extinción…, mais que acuden masivamente ás touradas a disfrutar do asasinato de seres vivos: un exemplo é o do próximo presidente da Xunta galega, Núñez Feijoo, aficionado ás touradas.

No noso país existen distintos movementos e plataformas que reclaman o cese das touradas e que chaman á poboación, maioritariamente contraria a esta forma de tortura, a sair ás rúas a protestar e boicotar as touradas, como son a Plataforma Pontevedra Antitaurina ou a plataforma Galicia mellor sen touradas. Por isto, desde ISCA! apoiamos e participaremos nas accións que Galiza Nova ten programadas este domingo en Padrón a partir das 17.30 da tarde, perante a praza móbil, para protestar contra as touradas que terán lugar no concello ao longo do día.