Accións BDS de Isca! contra Israel

A campaña BDS contra Israel (Boicote, Desinvestimentos e Sancións) nace en 2005 dun chamamento do pobo palestino que pretende rematar coas brutais políticas do rexime sionista desde 1948: ocupación, colonización e apartheid. A campaña non se dirixe contra o pobo xudeu, se non contra institucións e empresas que sosteñen o réxime opresor inspirándose no boicote internacional contra o apartheid na África do Sul que foi decisivo para rematar co rexime racista.

Israel é un dos estados do mundo que máis imcumpre os dereitos humanos, que contravén tratados internacionais e acordos como a Convención de Xenebra. O seu réxime xurídico mantén e institucionaliza a ocupación ilegal do territorio palestino, a discriminación dos palestinas que habitan en territorio colonizado, nega o dereito ao retorno das palestinas exiliadas e legalizar a tortura e o bombardeo indiscriminado de civís. No último e criminal ataque a Gaza xa denunciamos as políticas de apartheid e a ocupación sanguenta e racista así como reclamamos o dereito que ten o pobo palestino a dotarse dun estado propio no seu territorio histórico, con igualdade de dereitos para todos os grupos étnicos e relixiosos.

Isca! está a realizar accións en diferentes áreas comerciais encamiñadas a denunciar aquelas marcas cómplices do sionismo como poden ser Nestlé, Buitoni, Garnier, L’Oréal, Sephora, McDonald’s, H&M, Motorola e Coca Cola, entre outras.

Podedes acceder á galería de imaxes das accións aquí (esta propia web) ou no facebook. (En actualización)

.

.

>> Palestina vencerá. Vitoria da resistencia!