Acto na coruña sobre ecoloxismo, política forestal e actitudes.

 A Asemblea de Isca! da Coruña organiza unha charla-coloquio arredor do ecoloxismo en xeral, sobre as actitudes individuais e colectivas a respecto deste tema, e máis en particular a respecto das políticas de prevención e extinción dos incendios forestais levada a cabo pola Xunta de Galiza, todo motivado pola recente queima das Fragas do Eume.

Contaremos coa participación de Froilán Pallín, secretario xeral de ADEGA e Teresa Moure, escritora e profesora. Terá lugar o vindeiro venres día 27 de abril a partir das 20:00 horas no local da Agrupación Cultural Alexandre Bóveda sito na rúa Olmos 16-18, 1º andar.

Anímate e participa!