Acto polo Día da Patria en Ourense.

Actos

O próximo xoves 19 de xullo, ás 21 horas desde a praza do Ferro, terá lugar un acto impulsado por diversas organizacións nacionalistas co fin de difundir a celebración do Día da Patria na cidade de Ourense. Consistirá nun roteiro con foliada polo casco vello da cidade, onde se pendurarán bandeiras estreleiras polas fachadas dos edificios, de forma que reivindiquemos e promocionemos o noso día e a nosa festa nacional, o 25 de Xullo.

Baixo o lema de “Independencia”, será un día no que reivindicamos o dereito a decidir sobre nós mesm@s como pobo.