Ante o 50º aniversario da creación da Bandeira Nacional Canaria

A mocidade rebelde galega organizada en Isca! quere mandar un saúdo á mocidade canaria que loita por unha patria independente, socialista e feminista, na data que conmemoran o 50 aniversario da creación da súa bandeira nacional.

Aínda sendo de diferentes continentes únenos a loita contra un sistema que nos explota e un estado que nos nega como nacións, por iso é mester a creación de dinámicas de solidariedade e aumentar o apoio internacionalista, acumulando forzas en favor da soberanía e o cambio social

Desde Galiza animámosvos a seguir na vosa loita contra Repsol e o proxecto de extración de petróleo nas vosas costas. Ao igual que vós, na nosa nación foron e son varios os intentos de expolio no que as empresas, co permiso dos distintos gobernos antipopulares, teñen como obxectivo a busca de lucro a costa da destrución do medio natural. Foi e é a loita organizada de todo o pobo a que é quen de deter as ambicións do capital e por iso é que seguimos a confiar na loita do pobo organizado en todas as partes do mundo e tamén no voso país, conseguindo deter as prospreccións petrolíferas.

Só vencen os pobos que loitan!

Viva Canarias libre e socialista!

Partíllao!

Share on facebook
En Facebook
Share on twitter
En Twitter
Share on pinterest
En Pinterest
Share on whatsapp
Polo WhatsApp
Share on telegram
Ou polo Telegram
Share on email
Email

Deixa un comentario