Axenda para a fin de semana do 18/10
- Actualidade política
Encontro Internacional da MARCHA MUNDIAL DAS MULLERES
Celébrase en Vigo o sábado e o domingo con diferentes actos que podedes atopar neste programa
Salienta na nutrida programación o encontro de mozas feministas, o Foro e Feira da Soberanía Alimentar, e por suposto a Manifestación do domingo ás 12:00 desde a praza do Concello de Vigo baixo o lema : “CAMBIAR A VIDA DAS MULLERES PARA CAMBIAR O MUNDO, CAMBIAR O MUNDO PARA CAMBIAR A VIDA DAS MULLERES”
_______________________________________________
A RÍA NON SE VENDE: CONCERTO EN CANGAS
Este sábado 18 de outubro a partir das 20:00 H. no Centro Social A Tiradoura de Cangas, concerto organizado pola rede de colectivos A RÍA NON SE VENDE coa participación de
KOGITO
Ska feito na Galiza
SOM DO GALPOM
Funky, reggae e rap dende as tebras de Compostela
LABREGOS DO TEMPO DOS SPUTNIK
Leo e Arremecajona + Gharcía (Dios ke te crew)
Pola tarde exhibición de graffiti a cargo de Sokram, Mou, Miska, Paula, Iste e Chek. E ó remate dos concertos: Selecta in Helicopter + DJ Anthoni + Micro aberto.
Festival de loita e defensa da Ría de Vigo.
Goberne quen goberne a ría non se vende, Galiza non se vende!
_______________________________________________
Concerto polas Seleccións Galegas
Siareir@s Galeg@s organiza unha festa concerto pola oficialidade dos nosos combinados deportivos, en solidariedade co centro social O Pichel.
A xornada comeza ás 21:30 do sábado no Centro Social, coas actuacións de Arenga, punk-rock desde terras do Eume, e co Dj A Morrinha Sound Anti-Systema, ska-reggae-dub.
_______________________________________________
HOMENAXE AOS ASASINADOS NA VOLTA DOS NOVE EN BAIONA
Organizada poloIEM:
Na madrugada do 16 de outubro de 1936 foron asasinados nove veciños do Val Miñor na Volta dos Nove. Neste anos viñemos realizando unha serie de actividades para recuperar a súa memoria e a de todos os represaliados no Val Miñor e en todo o país.
O sábado 18 de outubro realizarase unha sinxela ofrenda floral no mesmo lugar do asasinato, ante á arbore de bronce que recorda a súa memoria, ás doce do mediodía.
__________________________________________________
FEIRA TERRACTIVA EN ARZÚA
Terractiva 2008 : a maior feira ecolóxica da Galiza. Arzúa, 18 e 19 de outubro.
Baixo o lema “A terra e a cidadanía son o noso país” arrinca o Terractiva 2008 para denunciar os grandes defectos que sofre Galicia no que respecta ao desenvolvemento ambiental. O lema deste ano responde a unha vontade estendida na sociedade galega como é a de mirar cara ao noso e de vivir do xeito máis respectuoso posible coa contorna.
GALIZA NON SE VENDE estará tamén presente nos diferentes actos programados e terán un stand de seu. Neste sentido, salienta a organización dun debate sobre o Plano Acuícola, con representación das forzas parlamentares e doutras entidades como Adega, e onde de seguro que xorden posturas opostas a sepultar a nosa costa baixo cemento para interese dunhas poucas multinacionais. Ademais, esta asociación ambientalista organiza un roteiro por Arzúa no domingo.
__________________________________________________
Mar por Medio
De 17 a 19 celébranse en Ribadeo as xornadas Mar por Medio, organizadas por diversas institucións, que reúnen nesta localidade mariñá a ducias de persoas relacionadas co ámbito cultural galego-portugués, para analisar “en que medida o achegamento entre os nosos dous países é realmente posíbel no campo das industrias da cultura e da comunicación”.
