Basta de violencia machista contra as mulleres!

Perante a sexta vítima da violencia machista no que vai de ano na Galiza (que se vén sumar a máis de medio cento en todo o estado) o movemento feminista galego convoca concentracións para denunciar o feminicidio ao que somos sometidas. Para nós debe ser unha prioridade denunciar a violencia machista, desde a  máis simbólica até a física, que se asenta nunha sociedade profundamente patriarcal. Animamos e chamamos a toda a sociedade galega a participar:

• Compostela, ás 20h na Porta do Camiño

• A Coruña, ás 20h no Obelisco

• Ferrol, ás 20h na Casa do Concello

• Ourense, ás 20h na Subdelegación do Goberno

• Vigo, ás 20h no MARCO

Fronte á violencia machista, loita feminista!