Benigno Álvarez, a conxunción entre nacionalismo e marxismo

Hoxe 11 de marzo queremos reivindicar a figura de Benigno Álvarez o veterinario de Maceda. Foi un dos principais dirixentes comunistas da provincia de Ourense e uns dos precursores da conxunción entre nacionalismo e marxismo que logo viría frutificar a partir da década de 60 no noso país. Benigno Álvarez naceu e morreu un 11 de marzo (1900 – 1937), ferozmente perseguido polo fascismo.

Desde Isca! queremos adicarlle a mellor homenaxe que pode recibir: o orgullo, a memoria e o firme compromiso de que continuaremos achegando as nosas enerxías na loita pola erradicación de toda caste de explotación cara ao xénero humano. Facemos tamén nosas e extensíbeis ao tempo que nos toca vivir as súas palabras: “Definirse é considerarse maduro e quedar descansado. Decidirse é ser xoven: levantarse alporizado cunha nova forza que só sabe que o pasado hai que destruílo.“

Reivindicamos a decisión e a xuventude vitalicia de Benigno Álvarez e de todas as que deron a vida pola xustiza e a liberdade!