[Campaña nacional] Encontro formativo na Coruña

propostaCartazFormacionComo vemos a Galiza é hoxe moito máis pobre e vella que antes de o PP tomar o poder. Ás escandalosas cifras de paro súmase un premeditado ataque aos dereitos laborais, que en forma de reforma laboral e recortes de corte neoliberal, precariza o emprego e limita as axudas sociais. Aínda máis, pois acentúa o secular fenómeno emigratorio do país, producindo un sangrado constante na sociedade galega.

Hai unhas semanas lanzamos unha campaña nacional baixo o lema “rachar o pacto social, loitar polo noso futuro” para denunciar a situación de éxodo xuvenil e aumento do desemprego que vivimos. Esta campaña, que se desenvolverá até o 1º de Maio en diferentes puntos do país, acredita na loita anticapitalista e popular como a única capaz de derrubar un sistema inxusto e pon de manifesto a necesidade de artellar unha resposta. Para achegar claves que nos axuden a comprender a realidade na que vivimos estamos a organizar unha serie de actos formativos en diferentes comarcas do noso país, comezando en Compostela,

Falaremos da crise capitalista na mocidade, futuro e perspectivas. Como o capitalismo precisa da sobreexplotación do traballo para superar as crises estruturais e por iso recorre á precarización do emprego, descenso de salarios, perda de dereitos e de como todo isto incide especialmente na mocidade. O acto terá lugar no local comarcal do BNG da Coruña (Ronda de Outeiro, 62) o vindeiro 29 de abril a partir das 20:00 horas.

Non faltes!

.

>> [Campaña nacional] Rachar co pacto social, loitar polo noso futuro

>> [Campaña nacional] Sabías que…

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario