Castañazo 08, magosto alternativo en Maceda

Desde a asociación cultural “O Pipote” de Maceda organizan en próximos días un “Magosto Alternativo” e prometen un serán-noite repleto de actividades, diversión, gastronomía e musica. A partir das 19:00 horas da tarde terá lugar o magosto popular, a base de empanada, chourizo, pan e viño do país e bica mantecada, sen que falten as tradicionais e necesarias castañas e licor-café. O evento estará amenizado por un grupo de gaiteiros.

Pola noite grupos musicais de terras ourensás, como Cuchufellos (ska, klezmer, speed-folk) e Guezos (folk-rock), xunto outros como “La Cx Band” (Ska-rock) e “Sin Konziencia” (ska punk) prometen festa até ben entrada a noite.

A cita, a partir das 19:00 da tarde no entorno do castelo de Maceda este 1º de Novembro.