Charla-coloquio, achegámonos á realidade siria

Logo de dous anos de guerra encoberta, presentada como conflito civil, e moitas semanas de acoso por parte do imperialismo estadounidense e dos seus aliados, a meirade parte dos focos informativos de todo o mundo apuntan a Siria. Lonxe da propaganda da guerra que recolle escusas máis que irreais para  xustificar un ataque bélico, desde Isca! pensamos que é importante plantexar a realidade desde outro punto de vista. Que é Siria como país? Cales son os intereses occidentais en Siria e na rexión? Quen son os rebeldes sirios? Cales son as consecuencias dunha intervención militar directa? Sobre estas e moitas outras cuestións debatiremos para botar nelas un pouco de luz.

Por isto organizamos unha charla – coloquio que terá lugar o vindeiro venres día 20 de setembro ás 20:30 horas no local da Asociación Cultural Alexandre Bóveda (Rúa Olmos 16, 1º) na Coruña. Contaremos coa presenza de Óscar Valadares, membro de Mar de Lumes – Comité Galego de Solidariedade Internacionalista.

Anímate e participa!