Charla-coloquio en Ourense. Que é a Lei Mordaza?

Son moitos os exemplos que se nos poden vir á mente cando falamos de represión sobre os movementos populares porque son moitos os colectivos que a veñen sufrindo de multiples maneiras, especialmente nos últimos anos cando, co pretexto da crise sistémica do capitalismo que estamos a vivir, a incidencia da mesma non para de medrar. A chamada Lei Mordaza é unha medida máis do Partido Popular para o aumento da presión e a represión co obxectivo de manternos caladas e sumisas. Necesario é denunciar publicamente (e parar mendiante a mobilización e a axitación) un novo intento de vulnerar as liberdades que tanto esforzo e décadas de loita custou conquistar.

Por todo isto Isca!, xunto con outras organizacións da cidade de Ourense, convídavos a participar nunha charla-coloquio que terá lugar o vindeiro xoves 20 de novembro ás 19:30 horas no Edificio do Ferro e onde contaremos con Fernando Blanco Arce, activista de EsCULcA, observatorio para a defensa dos dereitos e liberdades que traballa polo afortalamento dos dereitos civís e democráticos.

Non faltes!