Coa CIG na rúa o Dia da Clase Obreira Galega
- Actualidade política
A CIG celebra máis un ano o Día da Clase Obreira Galega, desta volta baixo o lema “En defensa do emprego e as prestación sociais”, que ilustra a demanda por parte da central sindical nacionalista de que non sexa a clase traballadora quen pague as consecuencias da crise.
Isca! participará nas mobilizacións e distribuirá colantes e exemplares da súa folla axitativa Rebater, centrados en evidenciar que o capitalismo é un sistema inxusto e insustentábel por definición que ten mais que demostrado o seu fracaso, e que é preciso comezar a construir alternativas ao servizo das maiorías sociais.
Todas as cidades galegas acollerán mobilizacións nas seguintes horas e lugares:
Ferrol: manifestación ás 20 horas dende o local da CIG (Avda. do Esteiro).
Vigo: manifestación ás 20:00 horas dende a Vía Norte.
A Coruña: concentración ás 12:00 e posterior manifestación até a Delegación do Goberno.
Compostela: concentración ás 11:30h na Praza de Galiza.
Pontevedra: Manifestación ás 12:00 dende o Pazo da Cultura até a Subdelegación do Goberno, con concentración na rúa Michelena.
Ourense: Concentración ás 11:30 horas na rúa do Paseo.
Lugo: Concentración dende ás 11:30 horas na rúa da Raíña.
A Mariña: Asemblea-concentración de delegados de Alcoa e fábricas auxiliares nas instalacións da empresa do aluminio.
