Coloquio: Venezuela, situación actual e perspectivas.

Hai pouco máis dun ano falecía o Presidente da República de Venezuela e lider do movemento bolivariano, Hugo Chávez, após 14 anos de ininterrumpido goberno revolucionario. Son moitos as actuacións que se nos poden vir á mente nas últimas datas de grupos da dereita golpista e axentes do imperialismo que teñen por obxectivo a desestabilización do país e a derrota dun dos referentes fundamentais da esquerda latinoamericana e mundial.

Por todo isto desde Isca! da Coruña consideramos indispensable coñecer os acontecementos que sucederon desde o falecemento de Chávez e a elección de Nicolás Maduro como novo presidente, as actuais protestas presentadas nos medios como grupos de estudantes indignados co goberno e do futuro dunha revolución que necesariamente debe continuar avanzando de batalla en batalla e de vitoria en vitoria.

Para isto contamos con Óscar Valadares, membro de Mar de Lumes – Comité Galego de Solidariedade Internacionalista, que conducirá unha charla – coloquio onde abordaremos todos estes temas e que terá lugar o vindeiro xoves día 20 de marzo a partir das 20:30 na Casa da Fariña sita na Praza da Fariña (Praza de Azcárraga) Nº6

Anímate e participa!