[Compostela] Jornadas de (contra)cultura e feminismo

A cultura é um espelho do poder. Vivemos, como vivirom antes, umha época onde o capital define as tendências culturais e governa sobre o acesso que temos ao património, tanto material como imaterial. Longe da democratizaçom, elitiza-se mais. Nom acedemos a museus, nem chegamos a expor neles, nem nos interessa contribuir à permanência das classes dominantes na sua posiçom, aproveitando-se das ferramentas do sistema.

A contracultura é a nossa arma. As que queremos derrubar o patriarcado e o capital movemo-nos na subalternidade, fazemos de nós para as nossas, para provocar (um câmbio). Pensamos, organizamos, cortamos, colamos, produzimos, espalhamos.

Desde Isca! organizamos estas jornadas sobre (contra)cultura e feminismo contando com companheiras que participam de projectos artísticos-culturais galegos actuais, como no fanzine Infumable, na revista de fotografia e jornalismo Caleidoscópica ou no vídeo-documentário Mulheres e Língua. Umha olhada com perspectiva de género à criaçom alternativa. Será o 9 de abril na Gentalha do Pichel (Rua Santaclara, 21. Compostela).

Programa:

• [17:00] Apresentaçom das jornadas
• [17:30] Fai-no por ti própria: fanzine Infumable
• [18:30] Imagens para construimos imaginários livres: revista Caleidoscópica
• [19:30] Transversalidade em vídeo: documentário Mulheres e Língua
• [21:00] Pinchada musical + petiscos antirrepressivos
• [22:00] Ceia (com opçom vegana). Aponta-te em info@iscagz.org

.

Feminismo sem trégua!