[Compostela] Loita transfeminista e despatoloxización

As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construindo alternativas aos poderes que nos queren ignorantes e sumisas.

Desta volta organizamos unha palestra baixo o título “loita transfeminista e despatoloxización trans“, porque é necesario aprendermos colectivamente a rachar co modelo que nos impón o capitalismo e o patriarcado. Cremos na necesidade de partillar preguntas e experiencias e dar pé á reflexión e ao debate polo que vos convidamos a asistir a esta xornada que terá lugar en Compostela, na Gentalha do Pichel (rúa Santa Clara, nº21) o venres 28 de outubro ás 20:30 horas coa presenza de Laura Bugalho.

Non faltes!