Concentracións contra a reforma da Lei do Aborto

O PP finalmente levará a debate no día de mañá, 14 de abril, a reforma da Lei do Aborto. Esta reforma ataca directamente á faixa de idade máis vulnerable e con menos medios, como son as mozas de entre 16 e 18 anos. Se a proposta do ministro Gallardón supuña un retroceso sen precedentes no recoñecemento dos dereitos sexuais e reprodutivos das mulleres, un ataque á nosa liberdade e á nosa capacidade de autodeterminación en relación á sexualidade e a libre escolla da maternidade, este novo proxecto non é menos que todo iso.

Por isto animámosvos a participar nas convocatorias da Plataforma Galega polo Dereito ao Aborto no día de mañá:

• Vigo: 19:00 horas diante do Marco.
• A Coruña: 19:30 horas diante da sede do PP.
• Compostela: 20:30 horas diante da sede do PP.
• Ferrol: 20:00 horas na Praza de Armas.
• Lugo: 20:00 horas diante da sede comarcal do PP.

#AlertaFeminista