Construindo comunidade contra as violências machistas

O passado dia 30 de junho, a Marcha Mundial de Mulheres organizou um acto de posta em comum do trabalho que diferentes organizaçons estam a fazer para combater as violências machistas nos seus diferentes aspectos; acudimos como convidadas e pudemos compartir experiências e debates com companheiras doutros colectivos, tanto do nacionalismo organizado como de ONGS ou da própria Marcha, todas elas com experiências diversas no marco das luitas feministas, mas com um ponto em comum: a necessidade de abandonar o minifundismo e a patrimonialización do trabalho neste eido para procurar criarmos redes que permitam conectar os diferentes movimentos feministas, as diferentes luitas contra a violência do patriarcado.

As mulheres e homes de Isca! entendemos que baixo o concepto de “violências machistas” atopam-se muitas formas de agresom patriarcal: maltrato físico e psicológico, exploraçom laboral, cosificaçom, negaçom dos direitos e liberdades sexuais e reprodutivos… e que todas elas teñen un carácter estrutural: atópanse nas bases mesmas do sistema. É por isto que as moças de Isca! temos claro que só seremos livres nunha Galiza ceive, socialista e antipatriarcal, e é por iso polo que estamos e seguiremos a trabalhar: porque sem as mulheres nom há revoluçom, e sem revoluçom nom há liberdade.