Declaración política das forzas da Esquerda Palestina

O día xoves 1 de xaneiro de 2009 a dirección da Fronte de Esquerda composta pola Fronte Democrática para a Liberación de Palestina, a Fronte Popular para a Liberación de Palestina e o Partido do Pobo Palestino, reuniuse para analizar o xeito de afrontar e resistir a criminal agresión sionista contra o noso pobo e declarou o seguinte:Continúa o brutal ataque contra o noso pobo, aumenta o número de mártires entre nenos, mulleres e anciáns e multiplícase, indiscriminadamente, o derrubamento de casas sobre os seus habitantes, ao tempo, continúa a resistencia palestina representada na unidade popular, coa participación de todas as organizacións e brazos armados. Saudamos ao noso pobo, saudamos aos afoutos loitadores.

Hoxe o pobo palestino escrebe unha páxina de groria que demanda lealdade e responsabilidade ante estes sacrificios, así como respostar á urxente necesidade de consolidar a Resistencia e unir as súas filas para poderse enfrontar ao agresor.

Reiteramos, máis unha vez, os nosos chamamentos para solucionar a división interna e convocamos ao diálogo nacional para recuperar a unidade. No día de onte recibimos, dos irmáns Mahmoud Abbas, presidente palestino e Ismail Haniyeh, respostas positivas neste sentido. Acollemos con conformidade a aceptación e disposición de ambas partes ao diálogo e a reconciliación e de faceren prevalecer as contradicións co inimigo sionista.

É tempo de sangue e sacrificio; non é suficiente repetir palabras; requírense feitos concretos, un movemento urxente e pasos precisos e serios, que conduzan ao inmediato e desexado diálogo unitario.

Aos fillos do noso afouto pobo

Mentres hoxe escreben o máis valeroso exemplo de resistencia e sacrificio convocámolos a:

1- Levar a cabo a coordinación no terreo a través dun posto de mando unitario entre os diferentes brazos armados, sen excepción, para que se acade organizar a resistencia de forma unitaria fronte ao agresor.

2- Crear comités populares nos campamentos e barrios, nas cidades e aldeas, que inclúen nas súas filas a todas as forzas políticas, organizacións da sociedade civil e personalidades nacionais que desexen colaborar, para que estas estruturas sexan as que organicen todas as formas de solidariedade e socorro para os necesitados.

3- Os anteditos comités terán a tarefa de coordinaren e manteren a comunicación coa UNRWA e as sedes municipais e outras institucións oficiais co obxectivo de uniren o traballo e garantizaren o alto nivel de solidariedade e apoio requerido.

Saúdo a noso afouto pobo
Groria aos mártires!!
Vitoria á Resistencia!!

Partido do Pobo Palestino
Fronte Popular para a Liberación de Palestina
Fronte Democrática para a Liberación de Palestina

1° de xaneiro de 2009