Desaloxado pola forza o peche estudantil en Ourense
- Actualidade política
Por volta das 02:30 da madrugada de hoxe irromperon as forzas policiais na Biblioteca Municipal de Ourense para exercer unha vez máis o monopolio da violencia física contra as e os estudantes que a tarde anterior comezaran un feche para exixir á non elitización do ensino público no noso país.
Dende a Consellaría de Educación non dubidaron en soltar a corda dos cans do Estado para reprimir máis unha vez ao estudantado rebelde e combativo. O sistema non tolera que sexamos as fillas da clase operaria quen reivindiquemos a nosa vontade de implantar unha educación gratuíta e científica, que ademais sexa en galego, laica e non patriarcal.
Non é casual que aparezan as cargas policiais, as malleiras, os porrazos, etc…cando máis mobilizado está o estudantado do noso país. O feche iniciado polas compañeiras de Ourense sómase aos que permanecen en Compostela e Lugo ou aos que tiveron lugar noutras cidades como A Coruña e Vigo cun papel especialmente activo da Liga Estudantil Galega e da Plataforma Galega en Defensa do Ensino Público, entre outras. Seguiremos a denunciar non só a vaga de desmantelación das conquistas sociais das camadas populares senón tamén a intolerancia represiva contra a insurreción ao sistema.
Na defensa do ensino público galego, ningunha agresión sen resposta!
A seguir poñemos os lugares das concentracións convocadas en solidaridade co estudantado ourensán que terán lugar hoxe mércores 30 de maio:
-
- Lugo: ás 19.00 diante de Intercentros
- Compostela: ás 19.00 na Praza do Toural
- Ourense: ás 20.00 diante da Subdelegación do Goberno Español
- Vigo: ás 21.00 na farola de Urzáiz
- A Coruña: às 20h no Obelisco
