[Dia da Patria] Para cambiar o sistema, INDEPENDENCIA!

Máis un ano, desde Isca! facemos un chamamento a todas as mozas e mozos do noso país a mobilizárense canda nós arredor do Día da Patria. Ano tras ano, o 25 de xullo é unha cita obrigada para o nacionalismo galego, que inza as rúas de Compostela para defender os dereitos que lle son negados ao noso pobo. Facémolo desta volta baixo o lema “para cambiar o sistema: independencia”, co fin de evidenciar que entendemos a liberación nacional como unha vía imprescindíbel para a transformación social.

Por iso, desde Isca convidámosvos a participar da mobilización xuvenil unitaria que terá lugar o 24 de xullo, ás 20:00 desde a Alameda baixo o lema Mocidade galega erguendo o seu futuro, Independencia!  A nós, á mocidade galega, correspóndenos sumar esforzos na conquista da soberanía nacional como única vía pola que poderemos construír con liberdade unha sociedade diferente, verdadeiramente democrática e con xustiza social. A mocidade comunista e independentista temos ambiciosos obxectivos políticos e sociais por diante, por iso, é fundamental construír, día a día, espazos de acción unitaria de cara a sumarmos esforzos diante dos inimigos común e, tamén día a día, camiñarmos cara a vitoria. Por iso, parabenizámonos non só por sairmos máis un 24 á rúa con estas reivindicacións senón tamén por facelo no seo dunha convocatoria que vai alén das nosas siglas e é partillada por outras organizacións xuvenís e estudantís.

Igualmente, chamamos á mocidade tamén a mobilizarse o propio 25 de xullo, Día da Patria Galega, participando na habitual mobilización convocada polo BNG, na que miles de persoas volverán ateigarán as rúas para reclamar a plena soberanía da nosa nación. A manifestación, na que como é habitual contaremos con unha comitiva propia xunto ao Movimento Galego ao Socialismo, sairá por volta das 12:00h desde a Alameda.

Urxe conquerir a independencia para mudar o sistema e erguer o noso futuro en liberdade, por iso, sae a rúa e mobilízate canda nós!

Partíllao!

Share on facebook
En Facebook
Share on twitter
En Twitter
Share on pinterest
En Pinterest
Share on whatsapp
Polo WhatsApp
Share on telegram
Ou polo Telegram
Share on email
Email

Deixa un comentario