Encontro formativo: dissidência sexual

As militantes de Isca! acreditamos na (auto)formaçom como umha das ferramentas precisas para luitarmos contra o modelo de vida e de relações que nos impõe o sistema, melhorando a nossa capacidade de açom política e militante para assim transformar a realidade que nos tocou viver. Acreditamos em que aprender sempre é a melhor maneira de avantarmos, construindo alternativas aos poderes que nos querem ignorantes e submissas.

De esta volta organizamos umha jornada de auto-formaçom sobre dissidência sexual entendendo o papel de transformaçom que o conhecido como movimento LGTB (Lesbianas, Gais, Transexuais e Bisexuais) teve e tem em umha sociedade como a atual. Nom só supôs umha toma de consciência de coletivos oprimidos por umha sociedade heteronormativa, senom que também brindou novos marcos de análise que pusseram em questom sexo, gênero e sexualidade.

Porem, até que ponto essas luitas e análises seguem vigentes? Ao abeiro das novas teorias, como a Queer, até que ponto é preciso um novo salto qualitativo na nossa forma de olhar a sociedade?

Desde Isca! cremos na necessidade de compartilhar perguntas e experiências e dar pé á reflexom e ao debate polo que vos convidamos a assistir a estas jornadas sobre disidência sexual que teram lugar em Pontevedra, no local comarcal do BNG (Rua Marquesa nº3) o 22 de dezembro a partir das 17:30 horas onde trataremos:

1. Revoluçom de Stonewall e os movimentos pola libertaçom sexual

2. (De)construindo o género: o que é a Teoria Queer. Sexo, género e sexualidade

Participa!