Conteúdos didáticos, entretemento e criadoras de conteúdos
- Actualidade política
Quando Álvaro Cunqueiro se referia às “mil primaveras mais” para o galego de seguro que nom imaginaria, num contexto aparentemente favorável à protecçom e promoçom da nossa língua, como as autoridades e instituiçons nom agem com criatividade e determinaçom para frear a perda de falantes e âmbitos em que o galego está presente. Mas seguro que sim poderia entender como, tal e como no seu tempo, a língua se mantém forte graças ao esforço das falantes de a diário e das pessoas que fam trabalho para a dignificar.
Neste novo 17 de maio, Dia das Letras Galegas, queremos facilitar recursos desenvoltos por diferentes pessoas e associaçons que, com o seu trabalho desinteressado, avançam na normalizaçom da nossa língua. Porque toda a ilusom e energia que lhe falta à Xunta, sobra-lhes às promotoras linguísticas de base; e porque vemos como cada pequena iniciativa tem um percurso grande, dentro das possibilidades que as redes sociais e outros espaços permitem.
Compor, informar, fazer memes, entreter… Em galego podemos todo!
1. O homenageado, Ricardo Carvalho Calero
Este dia das letras homenageamos a Carvalho Calero, a figura máis histórica e principal pensador do movimento reintegracionista e o primeiro Catedrático de Língua e Literatura Galegas, que também era escritor e profesor universitário.
- Página da AGAL sobre Carvalho Calero.
- Novela gráfica biográfica (Através e Demo Editora).
- Documental sobre o Decreto Filgueira, que conta a história da normativa da língua galega, desde Carvalho Calero até Filgueira Valverde.
2. Música
Desde as últimas novidades até os sons máis históricos do país. Pop, trap, música tradicional, hip hop… Na Galiza escutamos e producimos de todo! Apresentamos diferentes recursos para acceder a música galega.
- Guia de música: documento organizado em géneros musicais e temáticas para acceder facilmente a centos de grupos de música galega com informaçom breve sobre cada um deles.
- Gzmúsica.com: página web informativa sobre a música do país que oferece a possibilidade de descarregar alguns álbuns.
- Volaivai.com: página web colaborativa onde partilhar cantigas tradicionais galegas.
3. Cinema
Ademais de desfrutar do cinema do país desde as próprias salas disponhemos de várias páginas web onde visualizar filmes galegos online, geniais para estes tempos de confinamento. Apresentamos-vos algumhas.
- A curta Matria de Álvaro Gago em aberto.
- A Cuarta Parede: revista digital em galego de crítica cinematográfica.
- 20 anos de audiovisual galego, onde se podem ver em aberto os filmes Urxa, Sempre Xonxa e Continental.
- VersionValdeorras: portal web con filmes en galego.
4. Criaçom literária
As criadoras literárias galegas exploram novas vias além da tradicional ediçom industrial. Um destes projetos autogestionados é Leite.
- Leite edicións: autoediçom de fanzines e livros em galego.
- Editora Urutau: editora galego-brasileira especializada em poesia.
- Chan da Pólvora: editorial especializada em poesia galega.
5. YouTube
Som muitas as criadoras galegas que escolherom o YouTube como plataforma para apresentar um conteúdo mui variado.
- Youtubeir@s: plataforma de vídeos de opiniom e vídeos tutorias de diferentes criadoras.
- Diego QS: divulgaçom do conhecimento (arte, ciência…).
- Nubesbaixoti: recomendaçons, tutoriais, maquilhagem…
- Olaxonmario: crítica e risas a partes iguais.
- Aquel-e: opiniom, cultura e mamarracheio!
- Anxo Sánchez: informaçom sobre criaçom de páginas web.
- S.E.X._webserie: websérie para adolescentes sobre educaçom sexual.
6. Língua
Apresentamos um par de recursos lingüísticos.
- Emgalego: conta de twitter mui informativa sobre língua galega.
- ILG: conta de instagram do Instituto da Lingua Galega cheia de mapas lingüísticos.
- Portal Galego da Língua (PGL): novas, opiniom e análise lingüísticas.
- Lusopatia: blogue com recursos e informaçom sobre a língua.
7. Memes
Sempre há tempo para botar umhas risas!
- GalicianMemes (twitter)
- Memes artesáns (twitter)
- Memes en galego (instagram)
- Memes ao galego (instagram)
8. Vários
Neste ponto trazemos-vos conteúdo diverso sobre o país e a cultura que nasce nel.
- Balea cultural: página web de crítica cultural (música, cinema…).
- Orgullo Galego: a maior comunidade galega em rede! Cultura, datos curiosos…
- Arte do país: perfil de Instagram sobre arte galega.
- Vinte: seçom cultural do jornal Praza.
- Caleidoscópica: quadernos de fotografia.
- Moléculas en galego: química na nossa língua em Twitter e Instagram.
9. Meios de comunicaçom
Para terminar, apresentamos alguns meios de comunicaçom para conhecer em todo momento a atualidade do país.
