Estamos fart@s! O estudantado sai à rua em defesa dum futuro digno.

A Liga Estudantil Galega vem de lançar umha campanha nacional baixo o lema “estamos fart@s!”, chamando ao estudantado a mobilizar-se em todo o país no próximo dia 22 de março, com paros nas aulas (a partir das 11:30h) e concentraçons (às 12:30h). Ademais, convocam o estudantado galego a secundar a greve geral convocada pola CIG para o próximo 29 de março. O objectivo nom é só denunciar umha reforma laboral que condena os estudantes a um futuro de precariedade laboral, senom também a política de recortes no ensino público que já deu lugar a diversas mobilizaçons estudantis nos últimos meses.

As mobilizaçons convocadas até o momento som as seguintes:

Corunha, a partir das 12:30 horas manifestaçom desde Delegaçom do Governo (Praça de Ourense) até a Praça de Pontevedra

Compostela, a partir das 12:30 horas concentraçom na Praça do Toural.

Vigo, a partir das 12:30 horas concentraçom diante do MARCO (R/ do Príncipe)

Ourense, a partir das 12:30 horas concentraçom diante da subdelegaçom do goberno

Lugo, a partir das 12:00 horas manifestaçom desde Intercentros até a delegaçom territorial da Junta

Isca! também estará na rua o 22 e o 29 de março, da mao da Liga Estudantil Galega e da CIG, porque o futuro da mocidade ganha-se luitando!

Podes consultar toda a informaçom na web específica da campanha: http://estamosfartos.org/