Estannos roubando. 19 de xullo, á rúa contra os gobernos do capital!

Actualidade política

O goberno ven de dar un novo paso no proceso de liquidación de todos os dereitos e conquistas sociais da clase traballadora que PSOE e PP puxeron en marcha hai xa dous anos coa escusa da crise. A CIG chama a mobilizarse en todo o país contra estes novos ataques (suba do IVE, recurtes na prestación de desemprego, rebaixa das pensións, novas privatizacións, rebaixas salariais e destrución de emprego público, entre outras), e chama así mesmo a convocar unha nova folga xeral en setembro.

Temos que paralos. Seguiremos na rúa até que caian todos os gobernos do capital!

Xoves 19 de xullo, manifestacións:

Compostela: 20:00 horas, con saída da Alameda
Lugo: 20:00 horas con saída da Ronda da Muralla, do local sindical
Burela: 20:00 horas, da Praza da Mariña
Vilagarcía de Arousa: 21:00 horas, da Casa do Mar
Pontevedra: 20:30 horas, da Praza da Ferrería
Ourense: 20:00 horas, do Pavillón dos Remedios
Vigo: 20:30 horas da Vía Norte
Ferrol: 20:30 horas do Inferniño
A Coruña: ás 20:00 horas da Praza da Palloza