Éxito da folga xeral en Galiza, a loita continúa!
- Actualidade política
A pesar das presións da patronal, da propaganda mentirosa da prensa e da prepotencia do goberno, a folga xeral do pasado 29 de setembro foi un éxito rotundo en Galiza. Rompendo cos pronósticos pesimistas que pretendía desmobilizar a clase traballadora, o paro foi moi maioritario en case todos os sectores, e practicamente total nalgúns como a industria ou o transporte. Isto viuse completado con masivas manifestacións por toda Galiza, nas que un total de 80.000 persoas saíron á rúa da man do sindicalismo nacionalista e de clase representado pola CIG, que conseguiu marcar de novo a diferencia mobilizando moitos mais traballadores e traballadores que os sindicatos pactistas españois, e conseguindo que o seguimento da folga en Galiza fose maior ainda que no resto do Estado.
Isca tentou contribuir coas súas forzas ao éxito desta xornada, e xa desde semanas antes desenvolveu unha intensa campaña de propaganda nas rúas, nas zonas industriais e nos centros de ensino de numerosas comarcas galegas, chamando a participar nesta convocatoria e difundido a idea de que é preciso organizarse de cara ao futuro para resistir os embites dos gobernos e a patronal, así como para traballar desde xa por un sistema socio-económico e político xusto, o socialismo.
Así mesmo, na propia xornada de folga a militancia de Isca participou xa desde a noite nos piquetes da CIG, contribuindo a afortalar o éxito da folga, así como nas masivas mobilizacións na maioría das cidades galegas.
A seguir podes ver unha selección de imaxes do traballo desenvolvido por Isca convocando a folga xeral así como da nosa participación na propia xornada:
