Galiza Nova – Ourense reedita a campaña pola Autodeterminación no Día da Patria

Galiza Nova Ourense ven de reeditar a campaña pola autodeterminación que sacara o pasado decembro e que tiña como obxectivo contestar a celebración dos 30 anos da Constitución Española editando material gráfico (cartaces, colantes e panfletos) e acompañada da reedición das “Bases Constitucionais”, a alternativa defendida polo nacionalismo naquela altura frente á Constitución e á fraude estatutaria. Novamente Galiza Nova Ourense reeditará as Bases Constitucionais para repartir no día da patria.

Consulta aquí o documento As “Bases constitucionais”: a alternativa galega aos 30 anos da Constitución Española

A Comarca de Ourense comezou a preparar o Día da Patria coa reedición desta campaña o pasado xoves 16 de xullo realizando un mural en Ourense (rúa Camino Caneiro) dando así o pistoletazo de saída á convocatoria masiva da mocidade ourensá a participar do Festigal e a manifestación do Día da Patria en Compostela, onde tamén se participou con unha faixa da comarca:

Para o 25 de Xullo a Comarca de Ourense tamén editou un autocolante en homenaxe a Castelao no ano en que se cumpren 25 anos do traslado dos seus restos dende Bos Aires a Galiza: