II Assembleia Nacional de Isca!

A II Asemblea Nacional de Isca!, quase dous anos após a constituiçom da organizaçom, celebrou-se com sucesso. Nom se abordarom questons ideológicas de calado, ao manter-se a análisse sobre o neoliberalismo e a dependência no nosso paíse as propostas estratégicas.

Assi, a assembleia girou em torno ao impulso da actividade da organizaçom e do movimento juvenil em todos os níveis, em colaboraçom aberta com o resto de entidades soberanistas com as que se partilham espaços na construçom nacional.

Analizarom-se vários campos de trabalhos:

Em relaçom a Galiza Nova, afirma-se que “é importante revitalizar, na medida do posíbel, o traballo das mocidades da fronte”, e reforçar as iniciativas em clave transformadora e soberanista, ainda nun contexto de bloqueio por parte da actual direcçom.

Analizou-se o campo estudantil e a evoluçom dos CAF com termos bem claros:

“A degradación dos CAF demostra dúas cousas: primeiro, que as correntes da actual dirección do nacionalismo institucional son incapaces de manter o histórico discurso rupturista e antisistémico en nengún ámbito, levando os CAF progresivamente ao mesmo terreo de renuncia que o BNG. Por outro lado, que o noso papel é indispensábel para a construción de calquer alternativa nacionalista consecuente entre o estudantado, sexa esta cal for. O que non demostra en nengún caso (sería asumir antes de tempo a nosa derrota), é a invalidez dun modelo, o dunha organización nacionalista, reivindicativa, democrática e plural que en diferentes formas e con diferentes altos e baixos, existiu desde hai 35 anos, cando naceu ERGA, e que ademais funciona noutras latitudes. Outra cousa é saber se os CAF poden cumprir ou non ese papel hoxe en día.

Temos claro pois que é preciso un referente organizativo para o estudantado nacionalista, unha organización que defenda claramente un outro modelo de ensino e de sociedade, tal como as que funcionan noutras nacións sen Estado próximas. A construción deste referente debe ser a nosa prioridade, e niso debemos empeñar o noso traballo nos próximos meses.”

Também se avaliou o mundo do trabalho, onde se considera precissa umha intervençom específica:

“A necessidade da auto-organizaçom juvenil neste campo concreto provém do feito de que a mocidade dos diferentes sectores laborais comparte, além da sua problemática específica de cada sector laboral, umha realidade comum de exploraçom e degradaçom das condiçons laborais ligada fundamentalmente ao fenómeno da precariedade, à que é precisso dar umha resposta como moças e moços organizadas/os.”

Por último, a organizaçom também aprovou definitivamente o seu modelo de ligaçom com o Movimento pola Base, basseiado na autonomia e reconhezimento
mutuo:

“ISCA! e o Movemento pola Base deben recoñecerse de xeito recíproco como referentes políticos nos distintos rangos de idade en que se organiza e traballa cada organización, coa liberdade que este recoñecimento dá para mostrar as discrepancias que podan derivar da análise política de cada situación.

ISCA! mantén a súa independencia e capacidade de facer política alén da mocidade do mesmo xeito que o Movemento pola Base ten plena autonomía para implementar políticas de mocidade.Esta autonomía implica a nível individual a non obrigatoriedade da dupla militancia en ISCA! e no Movemento pola Base das mozas e dos mozos de ISCA!, o que, no entanto, tratarase de facilitar. “