Isca! participou nos actos previos e no Aberri Eguna

Unha delegación da nosa organización participou a pasada semana no Aberri Eguna convidados pola organización xuvenil da esquerda abertzale Ernai. Iruñea acolleu a gran manifestación convocada pola rede Independentistak e supuxo para nós a última parada logo da Gazte Martxa, unha gran marcha xuvenil que partiu de Lekunberri e rematou cun gran acto político en Berriozar. A marcha congregou a unhas 2.000 mozas e participaron tamén organizacións doutros pobos, incardinadas na dinámica internacionalista “Somos o voso pior pesadelo” como Arran, Yesca ou Purna.

Contra a desesperanza e a resignación o independentismo vasco reclamou un futuro de liberdade para o seu pobo, sendo a independencia a única alternativa para Euskal Herria. Rachar co Estado Español e o Estado Francés e conquistar a soberanía como primeiro paso para mudalo todo. Desde Isca! mostramos a nosa solidariedade inquebrantábel coa loita do pobo vasco e coas de todos os pobos do mundo. Coa loita pola liberación social e pola liberación nacional para a construcción dun estado vasco socialista e feminista, no que a mocidade sexa libre e empoderada.

Hamaika herri, borroka bakarra!