[Lugo] Mércores 29, xornadas LGTBI!

As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construindo alternativas aos poderes que nos queren ignorantes e sumisas.

Desta volta organizamos unha xornada de auto-formación LGTBI.  Acompáñanos para pór en común diversos coñecementos, vivencias e ópticas. Como seguir abordando a axenda LGTBI desde a autoorganización da mocidade? Que retos hai sobre a mesa para o activismo LGTBIQ galego? Como se expresa o odio LGTBIfóbico na actualidade? Cremos na necesidade de partillar preguntas e experiencias e dar pé á reflexión e ao debate polo que vos convidamos a asistir a esta xornada que terá lugar en Lugo, na Libraría Gato Neghro (rúa San Roque, nº32) o mércores 29 de marzo ás 20:30 horas coa presenza de Ángel Amaro -activista LGTBI- e Translurpies -colectivo lucense transfeminista-.

Non faltes!

Partíllao!

Share on facebook
En Facebook
Share on twitter
En Twitter
Share on pinterest
En Pinterest
Share on whatsapp
Polo WhatsApp
Share on telegram
Ou polo Telegram
Share on email
Email

Deixa un comentario