[Lugo] O lume que prendeu o facho

As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construíndo alternativas aos poderes que nos queren ignorantes e sumisas.

Desta volta organizamos un encontro formativo aberto baixo o título “O lume que prendeu o facho“, para seguir aprendendo e debatendo sobre as primeiras manifestacións socialistas e independentistas no nacionalismo galego. Acompañaranos para pór en común diversos coñecementos, vivencias e ópticas Carlos Bello Stout, Profesor de Xeografía e Historia.

Esta encontro terá lugar no Lar da Cultura do País (Carril das Hortas, nº1, baixo. Lugo) o xoves 29 de novembro ás 20:00 horas.

Agardámoste!