Mandela, o longo caminho para a liberdade

Acaba de ver a luz um novo caderno formativo editado pola nossa organizaçom, dumha série que pretende achegar à nossa militáncia, ao nacionalismo galego, e toda aquela interessaa, a voz de diversas personagens e as suas luitas nacionalistas e de esquerda no mundo.

Este modesto projecto de formaçom e divulgaçom que chamamos “Caderno Formativo. Nacionalismo e esquerda no mundo” é resultado do interesse pola formaçom e o compromisso coa divulgaçom das diversas reflexons, escritos, histórias, e experiências nacionalistas e de esquerda que a nosa organizaçom mantém dende o seu nacemento como meta de funcionamento.

De Isca! escolhemos África do Sul e a figura de Mandela para continuar esta série de cadernos por várias razons. Umha, a riqueza e interesse das análises que o CNA elaborou em torno à questom colonial e o capitalismo em África do Sul, e também a sua estrategia e táctica de luita pola emancipaçom nacional. Dous, porque é preciso conhecermos os casos em que, quando menos em parte significativa, fôrom atingidos os objectivos dos movimentos de liberaçom: nom queremos ficar no romanticismo das revoluçons perdidas, mas no conhecimento e actualidade de aquelas que efectivamente conseguírom transformar a realidade de forma perdurável. E também, porque perante as operaçons de branquejamento às que se quer someter a certas figuras para fazê-las mais agradáveis aos olhos do sistema e para se apropriarem da sua legitimade, devemos recuperar a história tal como foi, com os seus acertos e os seus erros, com as suas luitas reais e cedendo a voz aos próprios protagonistas.