Mapa de loitas: o lindano

Como cada segunda feira, un novo exemplo do noso mapa de loitas!

Agora que O Porriño é o tema do momento por albergar a empresa que fabricará a vacina contra a COVID-19, temos que lembrar que unha empresa do mesmo grupo Zendal, a antiga Zeltia, protagonizou este episodio:

O lindano foi un pesticida moi utilizado antes da prohibición da súa fabricación na Unión Europea (2008) e da súa catalogación como canceríxeno para as persoas e danino para a natureza pola OMS (2015).

Os seus residuos empregáronse en obras por toda a comarca da Louriña.

Boa parte do barrio de vivendas sociais da parroquia de Torneiros (O Porriño) foi erguido sobre o terreo onde os residuos foron soterrados anos atrás.

En numerosas excavacións por toda a comarca e contorna apareceu o po branco tóxico.

Para agrupar, concienciar e denunciar este atentado contra a saúde das veciñas, creouse a Plataforma Antilindano da Louriña.

E, para coñecer máis, recomendamos esta reportaxe do Novas da Galiza: http://novas.gal/lindano-o-veneno-soterrado/

As neglixencias da empresa química-farmacéutica e dos responsábeis políticos deixaron unha comarca contaminada e unha poboación doente, e isto ten que servirnos para esixir reparación e mobilizarnos polos dereitos colectivos!