Mobilizacións pola República Galega

Após a fuxida do Rei español e a sucesión do seu fillo, motivada polo descrédito do réxime, preséntasenos unha ocasión fundamental para amosarnos a forza do noso pobo e a vixencia dun proxecto político desde coordenadas nitidamente soberanistas que reivindique unha República, unha república de noso, construída por medio dun proceso constituínte onde sexa o pobo galego o suxeito da soberanía. Unha ruptura democrática que ten necesariamente que levar aparellada a superación do marco político e xurídico actual, inviable para o desenvolvemento do noso pobo, e que camiñe desde posicións nitidamente anticapitalistas.

É por isto que convidamos á mocidade a participar nas manifestacións que hoxe pola tarde se teñen convocado en múltiples cidades do País para amosar que non queremos ser máis súbditos. Que queremos soberanía e dereito a decidir!