Mobilízate o 1º de Maio. Loitar polo noso futuro!

Desde Isca chamamos á mobilización o vindeiro 1 de Maio, Día Internacional da Clase Traballadora, contra a pobreza e o desemprego. Será o punto final á campaña nacional que vimos desenvolvendo durante o mes de abril baixo a palabra de orde “rachar co pacto social, loitar polo noso futuro” co obxectivo de denunciar a situación de emigración, precariedade, desemprego e miseria da mocidade galega e a necesidade da organización e loitar para ter un futuro digno e na terra.

Durante a semana levaremos a cabo varios actos formativos en distintas localidade do país. En Compostela terá lugar hoxe ás 20:30 na Libraría Lila de Lilith; en Vigo (20:30 horas) e na Coruña (20:00 horas) terán lugar mañá día 29, ambos no local do BNG das súas respectivas localidades; en Bueu terá lugar o xoves 30 na Asociación para o debate Ricardo Gómez Buceta.

Horas e lugares de saída das manifestacións

• A Coruña: ás 12:00 horas desde a Praza de Vigo.
• Compostela: ás 12:00 horas desde a Praza Roxa.
• Ribeira: ás 12:00 horas desde a Praza do Peixe.
• Ferrol: ás 12:00 horas desde o local da CIG.
• Lugo: ás 12:00 horas desde o edificio sindical na Ronda da Muralla.
• Viveiro: ás 12:00 horas con saída na estación do FEVE.
• Ourense: ás 12:30 horas do Pavillón dos Remedios.
• Pontevedra: ás 11:30 horas desde a Ferrería.
• Vilagarcía: ás 12:00 horas desde a Casa do Mar.
• A Estrada: ás 12:00 horas desde a Praza do Mercado.
• Vigo: ás 11:30 horas desde a Doblada.
• Cangas: ás 18:00 horas desde o Concello.

.

>> [Campaña nacional] Rachar co pacto social, loitar polo noso futuro

>> [Campaña nacional] Sabías que…