Morreu Ramom Muntxaraz

Esta segunda pola manhá espertavamos com a triste nova do passamento de Ramom Muntxaraz, histórico militante nacionalista, logo dumha prolongada doença que aínda assim, nom lhe impediu coordenar a homenagem a FOZ que recentemente tinha lugar em Compostela. Ramom chegava a Galiza a fins dos setenta, onde se uniu à UPG, participando logo na fundaçom do BNG, e mais tarde militando no PCLN, FPG e APU, e recentemente em Causa Galiza. Como psiquiatra de profissom, fundou a associaçom Gaiola que pula pola integraçom de pessoas com dificuldades mentais.

Desde Isca lamentamos e expressamos o nosso pésame pola morte deste companheiro que lutou pola emancipaçom social e nacional. A luita segue!