Noite da Irmandade en Ourense

 O vindeiro 12 de decembro Galiza Nova Ourense organiza a Noite da Irmandade, actividade que ten realizado en varias ocasións e que quere recuperar este ano con anovadas forzas programando actividades ao longo de todo o día.

Na mañá do Sábado, a partir das 12:·0hrs, terá lugar un roteiro/pasarrúas pola Rúa do Paseo (comezando no Parque San Lázaro) amenizado pola música dos Trópico de Grelos no que percorreremos as rúas do casco vello até a Praza do Correxidor repartindo volantinas e convites para as actividades da tarde.

O roteiro/pasarrúas rematará cun acto de apresentación, as 13:15hrs, no que intervirán a Secretaria Xeral de Galiza Nova (Iria Aboi), a Responsábel Comarcal do BNG (Montse Nóvoa) e o Responsábel Local de Galiza Nova (Alexandre Hermida)

Contaremos neste acto coa presencia das compañeiros e compañeiras representantes das JERC (Països Cataláns) e Iratzarri (Euskalherria) que participarán na Mesa Redonda das 19:00hrs no Café Cultural Ouriense (Praza do Correxidor) titulada “Organizando a mocidade, loitando pola patria” na que debatiremos con eles a situación da mocidade nas nosas nacións e o traballo das respectivas organizacións xuvenís.

E xa pola noite tamén na Praza do Correxidor a partir das 23:00hrs terán lugar os concertos coa presencia de Raiba, Leite de Nai e o Leo i arremecaghona que fecharán esta xornada de Irmandade.

Galiza Nova Ourense quere convidar a todas e todos os mozos do país a compartir esta xornada de festa, debate e reivindicación.